Thursday, February 17, 2011
“တမ်းတချစ်သူ့ရင်ခွင်”
ချစ်သူ...
နေ့ရက်အချိန်တွေရယ်
ချစ်သူမရှိတော့လည်း
ကိုယ်တစ်ယောက်ထဲပဲမို့
ရှည်ကြာလွန်းလိုက်တာကွယ်.......
အချစ်စစ်တွေဖြစ်လျက်
လန်းဆန်းခြင်းတွေပျက်သုန်း
ငါတို့နှစ်ယောက်ဘဝ
တစ်ယောက်တစ်နေရာဆီ
အထီးကျန်လွန်းလှတယ်......
အမြဲတမ်းဒီလိုမျိုး
လေလှိုင်းလေးထဲမှာပဲ
ဆုံတွေ့နေရမှာလား.....
ရာသီစက်ဝန်းထဲမှာ
တမ်းတမှု့များစွာနဲ့
မင်းရဲ့ရင်ခွင်ဆီသို့
အရောက်လှမ်းလာခဲ့မယ်.......
......။။။။။။။။။.............
ကျွန်တော့် ချစ်သူရဲ့ မေတ္တာစာ....:P
မကြာမီရောက်လာတော့မယ့် ချစ်သူမွေးနေ့လေးအတွက် အဦးဆုံးတောင်းဆုပြုချင်တယ်.....
မျှော်လင့်ခြင်း ရောင်နီအောက်
ပျော်ရွှင်ခြင်း ဆန္ဒတွေရယ်
မကြာခင်ရောက်လာတော့မယ့်
ချစ်သူရဲ့ ( ၂၂ ) နှစ်မြောက်မွေးနေ့ရက်မြတ်လေးမှစရွေ့
ကြိမ်ဖန်များစွာကြုံတွေ့ပါစေလို့
ချစ်သူဆန္ဒအလိုကျ
ကြည်ဖြူစွာအမိန့်ယူမှတ်လို့
မငြူစူဖြည့်ဆည်းပေးချစ်တဲ့စိတ်နဲ့
တောင်းဆုပြုပါတယ်..... "
သတိရခြင်းတွေထုတ်ပိုးပြီး ကို့ ဆီအရောက်ပို့လိုက်တယ်....
အမှတ်မထင်ချစ်မိပင်မယ့်
နှလုံးသားမှာတစ်သက်စွဲထင်သွားတယ်
ချစ်စကတော့ အချစ်ကခပ်ပါးပါးလေး
ချစ်တာကြာလာတော့
မြတ်နိုးမှုနွယ်ပင်တွေ
နှလုံးသားမှာအထပ်ထပ်ရစ်ပတ်လို့နေပြီ.... ကို
ချစ်သူသက်တမ်း ( ၆ ) လပြည့်တဲ့ နေ့လေးမှစပြီး
နောင်နှစ်ပတ်လည်များစွာအထိ
ကို နဲ့မခွဲအတူတစ်သက်ကြည်ဖြူမယ်နော်....
ဖြစ်ခွင့်ရတဲ့လူ့ဘ၀လေးမှာ
အသက်ရှင်နေတုန်း
ကိုနဲ့ချစ်ခွင့်ရတာ
ဒီဘ၀ဒီမျှနဲ့တော့
အဆုံးမသတ်သေးပဲ
နောင်ကြိမ်ဖန်များစွာ ဘ၀ဘ၀တွေမှာ
ဒီထက် အစတစ်ရာမက ဆက်ချစ်ခွင့် ရပါရစေလို့
ကို့ အပေါ်ထားရှိတဲ့ အချစ်စစ်တွေနဲ့သစ္စာပြုရင်း
အခါခါတောင်းဆုခြွေနေမိတာလဲ
ကိုယ်စောင့်နတ်တောင်နားငြီး နေလောက်ပြီ.....
ဘယ်လိုအခက်အခဲအတားအဆီးတွေရှိနေပါစေ
ကို့ အပေါ်ထားရှိတဲ့အချစ်တွေ
ဘယ်အခါမှ မပျက်သုန်းပဲ
တစ်သက်လုံးချစ်နေမယ်....
တကယ်လို့
အတူလျှောက်လှမ်းရမယ့်အနာဂတ်လမ်းခရီးက ကြမ်းတမ်းနေမယ်ဆိုလဲ
ခိုင်မြဲတဲ့အချစ် မယိုင်နဲ့တဲ့မေတ္တာတွေနဲ့
ကို့ ရဲ့လက်ကို ခိုင်ခိုင်တွဲပြီး
အရာရာကိုရင်ဆိုင်ဖို့သတ္တိတွေ
ကို့ အချစ်နဲ့တည်ဆောက်ထားတယ် .........
Subscribe to:
Post Comments (Atom)
No comments:
Post a Comment