ကိုယ့်ကိုကိုယ် ကာကွယ်ရင်းနဲ့
သူများကို သံသယထားတတ်လာတယ်
အမြဲတမ်း
ပြောင်းလဲနိုင်တဲ့သဘောကို
စိတ်ထဲအမြဲထည့်ထားရင်း
အရာရာကို ပေါ့ပျက်ပျက် ခံစားတတ်လာတယ်
ခံစားချက်တိုင်းကို ဖော့လို့
ခံစားမှုတွေကို
လစ်လျှူရှုတတ်လာတယ်
နာမှာကြောက်တတ်သူပီပီ
သူများပြောင်းလဲချိန်မှာ
ကိုယ်ပြောင်းလဲနိုင်ဖို့
အဆင်သင့်ပြင်တတ်ခဲ့တယ်
ကိုယ့်ကိုကိုယ်သိပ်ချစ်တတ်သူတစ်ယောက်အဖြစ်
အားလုံးက သတ်မှတ်လိမ့်မယ်
အရာရာဟာ
အရေးမကြီးခဲ့ဘူး
မဖြစ်နိုင်ဘူးဆိုတာမရှိဘူးလေ
ကိုယ့်စိတ်ကိုယ်ပိုင်
ကိုယ်လမ်းကိုယ်ရွေးနိုင်ရမှာပေါ့
နောက်ကြောင်းပြန်လှည့်မကြည့်နဲ့
ကိုယ့်အတ္တအတိုင်းပဲ
ရှိစေတော့မယ်
အတိတ်ကိုလည်း မလွမ်းချင်ဘူး
အနာဂတ်ကိုလည်း တွေးမပူချင်ဘူး
အရှိကို အရှိအတိုင်း
ငါ .. ရိုးရိုးလေးပဲနေကြည့်မယ်
No comments:
Post a Comment