သူမွေးနေ့လေးမှာ
ချစ်သူကိုသိပ်ချစ်တဲ့အကြောင်း
ကဗျာရေးစပ်ဖို့
ရင်ခွင်အနှံတပ်ဖြန့်ပြီး
ကာရံတွေရှာတယ်
စကားလုံးတွေရှာတယ်
ကဗျာ Blog တွေကိုသွား
စိတ်ကြိုက် အက္ခရာတွေလိုက်ငှား
စိတ်ကြိုက် ကဗျာတစ်ပိုဒ်လေးတောင်ရှာမရဘူးဖြစ်နေတယ်......
အလွမ်းတွေအပြည့်သယ်ပိုးထားတဲ့ နှလုံးအိမ်ထဲမှာ
သတိရစိတ်တွေက တောင်ပုံရာပုံ
ဆုံနိုင်ခွင့်ဆိုတဲ့ တစ်စွန်းတစ်စမျှော်လင့်ချက်လေးကို
အမိအရဆုပ်ကိုင်
အလွမ်းစွန် အဆွေးအဖျားမှာ
" ကို " လို့ တိုးတိတ်တမ်းတလိုက်မိတိုင်း
ရင်ခုန်သံကလွဲလို့ လောကကြီးတစ်ခုလုံးအသံတိတ်
အရေပြားပေါ်ကို ကြက်သီးလေးတွေလျှံဖိတ်
ရင်ခွင် ဘယ်ဘက်အခန်းထဲက
ပုံမှန် ခုန်နေကျနာရီတစ်လုံး
အမြန်နှုန်းအရမ်းမြင့်မြင့်တတ်သွားတယ် ...............
No comments:
Post a Comment